نابالغ کو بلیک میل کرنے والا گرفتار

ہریدوار۔ نگر کوتوالی پولیس نے ایک نوجوان کو گرفتار کیا ہے جو ایک نابالغ لڑکی کو قابل اعتراض ویڈیو بنا کر وائرل کرنے کی دھمکی دے کر بلیک میل کر رہا تھا۔ نگر کوتوالی کے انچارج انسپکٹر راکندر سنگھ کتھائیت نے بتایا کہ جگجیت پور کے رہنے والے ایک شخص نے ایک نوجوان کے خلاف اپنی نابالغ بیٹی کے ساتھ جسمانی تعلقات بنانے اور سوشل میڈیا پر قابل اعتراض تصاویر وائرل کرنے کی دھمکی دینے کا مقدمہ درج کرایا ہے۔ پوکسو ایکٹ کے تحت مقدمہ درج کرنے کے بعد ملزم کی گرفتاری کے لیے پولیس ٹیم تشکیل دی گئی۔ مخبر کی اطلاع پر تفتیش میں شامل پولس ٹیم نے ملزم آشیش پٹیل ساکن سلیم پور کو نیو شیو مندر کے قریب سے گرفتار کر لیا۔ کوتوالی انچارج نے بتایا کہ پوچھ گچھ کے دوران ملزم نے بتایا کہ اس نے آشیش چوہان کے نام پر متاثرہ سے دوستی کی تھی۔ پولیس ٹیم میں کوتوالی انچارج راکیندر سنگھ کتھائیت، ایس آئی کرن گوسین، کانسٹیبل ششی کانت، روی پنت شامل تھے۔